..


والله يا خالتو ..
كلو كلو /توكيد لفظي / ماشي بالواسطة وبالمزاج ..
ابتداء من أبسط كلية .. و أبسط معدل و انتهاءً بأحسن كلية ..و أحسن معدل ..
انا شايفة و ع مستوى .. مشاريع زغيرة .. و أبحاث زغيرة ... ع مستوى .. نشاطات زغيرة .. شايفة " العلاقات الاجتماعية شلون ماشية !!
انا من النوع اللي بحب اعمل مشاريع .. أبحاث حول موضوع معين .. و بنبسط كتيير لما بوزعولنا مشاريع زغيرة بالكلية .. نشتغل عليها و نحضرها ..

وبتعرفي شو .. العلامة متلها متل أسوأ مشروع بالدفعة ..
متل مشروع هداك الطالب , اللي ما بيعرف عنوان بحثه شو هو ..!!!!

* هل يكشف مشروع التخرج عن الفروق الفردية والتفاوت في الموهبة بين الطلاب ؟
هو أكيد بيكشف., بس كونو كشف ما يعني هاد رح ياخد علامة اكتر من هاد .. و الا ماكانو الناس راحو عملو مشاريعهون بالمكتبات !!


* لماذا يلجأ بعض الطلاب إلى تأجيل مشروع التخرج فصلاً دراسياً كاملاً ؟

المشروع الكويس بدو وقت زيادة تجميع ترجمة و تنسيق و ما الى هنالك !! يعني ليفضى راسهون .. بطيختين ما بينحملوا معون .. بجوز في مواد كتيير .. و بجوز ما بعرف...

* ماهي المشاكل التي تعترض الطلاب لتقديم مشروع التخرج ؟ وهل من حلول برأيك ؟
.. لك قلبي من الحامض لااااوي ..
من هل ماسكة قلبي بايدي ..
رح اذكر المشاكل اللي بعرفها.. و الباقي ما بعرفو ..
عنا مثلا ..
كل عقد الدكاترة .. بتتفجر بها الطلاب المساكين ..!
يعني عنا دكتورة ... بتعيد الطلاب المشروع كذا مرة ..
يمكن لون الخط ما عجبها .. بجوز منقص فاصلة او نقطة او في صورة ما واضحة .. أو خطأ تافه جدا بالترجمة .. أو أو أو ..... الخ ..
بقولو .. فالج لا تعالج ....

* هل تعتقد أن مشروع التخرج ربما يكون عاملاً مساعداً في الحصول على فرصة عمل ؟
أم أن العلاقات الاجتماعية أو «الواسطة» تلعب دوراً الأكبر في الحصول على فرصة العمل أو الوظيفة ؟
المشروع اللتخرج , ايوا !! انتبهي ..
وفرصة العمل او البعثات , هدون " واسطة " بحتة .. *

مادورأصــحـاب رؤوس الأمــوال في بـلدنا لتـبـني الشباب الخريجين من الجامعات ؟
خرج الأمر عن نطاق استيعابي ..


* هل برأيك سوق العمل في سورية تحكمها «العلاقات»أم الشهادة ..
ع قولة هاني شاكر .... " هو انتي لسا بتسألي !!! " ..
اكيد العلاقات , .. قققصدي الشهادة ..






و الحمد لله رب العالمين .. و الله يوفق جميع الطلاب .. و يهدي جميع الدكاترة ..

و الله يا أم اللوووول

رح أقلك باختصار ...

مشروع التخرج .. ( عنا يعني بكليتنا ) مادة متل بقية المواد ..

لا بيقدم بخبرة الطالب ولا بيأخر ... إلا ... إنو علامتو مضمونة بإذن الله ..

لما الطالب بيكون ذكي و يحسن اختيار الدكتور المشرف على مشروعه ..

و اذا حاول الطالب ... يتذاكى و يقدم شي لنفسو و لبلدو ... ونجح .. فللأسف ..

حقوق الملكية و الطبع .. و براءة الاختراع .. هي حصرية باسم الدكتور المشرف عليه ..

ولهيك .. فيني أقلك ..

إنو فعلاً .. مشروع التخرج .. بيكشف عن فروقات كبيييييرة ... ليس في ذكاء و خبرة الطلاب فقط ..

وإنما في نجاح و شهرة الدكاترة المشرفين على تلك المشاريع ..

أما عن تأجيل مشروع التخرج ...

فهو موضوع يناسبني الآن الحديث عنه ... بحيث أنني تم فرزي غيابياً لدكتور جزار .. وبيعرف من أين تؤكل الكتف ..

بحيث إنو طلباتو .. هي إنجاز مشروع برمجي
تقدر تكلفته بـ 200000 ليرة سورية فقط لا غير ( هدول 5 أصفار ها لا تخربطي و يزيغ نظرك ) .. لأنو طبعاً مو أنا يلي رح أنفذو !!!

وفي النهاية ياريت جاييني شي ... كلو لصالح الدكتور القدير ..

لأنو متل ما عرفت من الطلاب يلي سبقوني ..

إنو هيك مشروع .. يباع بملايين الليرات ... و المشتري هيي الجامعة نفسها ...

فبرأيك .. ما بتحرز أأجل تخرجي لشي سنة زيادة و أحول الإشارف لدكتور تاني مع بداية السنة الجديدة !!!

أكيد .. طبعاً ...

هي واحدة من كم المشاكل .. نتعرض لها نحن الطلاب ..

فالسنة الماضية .. ذاع صيت دكتور ..
أتم إنجاز مشروع التخرج لطالب لم يرى وجهه في الجلسات المحددة لذلك ..
طوال السنة .. إلا ... بدعوة شخصية من الدكتور للطالبلحضور الجلسة العملية !!!!

و المقابل ما كان يا ترى ..

أن الطالب كان يد الدكتور اليمنى ( تصليح سيارة - دفع فواتير - و الذي منو ... )*25

كل ما ذكرته ...

كان تحت بند مشروع التخرج = أي = ما قبل التخرج ...

فما بالك .. فيما بعد التخرج .. أين سنكون !!!!!!!!!!!!!



وأخيراً ..

أقول عذراً على الإطالة ..

ولكن صدقاً .. لن يرى أحد .. ما نراه في جامعاتنا هذه الأيام ...

* هل يكشف مشروع التخرج عن الفروق الفردية والتفاوت في الموهبة بين الطلاب ؟
بالتأكيد بكشف بس مو بالضرورة تفاوت العلامات بين مشروع و آخر تحدد مدى الفروقات الفردية لأنو بمشروع التخرج بالذات في جزء محدد من العلامة توضع كتقدير شخصي من الدكتور المشرف

* لماذا يلجأ بعض الطلاب إلى تأجيل مشروع التخرج فصلاً دراسياً كاملاً ؟
بالتأكيد في كتير عوامل مشروع التخرج بالذات الو رهبة من نوع خاص عند أغلب الطلاب
بس الصراحة انا شفت همو أكبر منو ..

و ممكن تأجلي مشروعك لأكتر من فصل كرمال ما في دكتور يشرف على مشروعك متل ما صار معي ..

* ماهي المشاكل التي تعترض الطلاب لتقديم مشروع التخرج ؟ وهل من حلول برأيك ؟
بالنسبة الي كان في كتير مشاكل يمكن تكون مشتركة لكتير من الطلاب او انو حسب الاختصاص

يعني لاقيت صعوبة بفكرة المشروع - المراجع - أسلوب الطرح - واقعية المشروع - قابلية المشروع للتنفيذ العملي - و أهم من هيك الدكتور المشرف عن المشروع لانو برأي التواصل بين الطالب والدكتور المشرف ضروري كتير خلال تنفيذ المشروع و مالازم يكتفي الدكتور المشرف بتصحيح المشروع

* هل تعتقد أن مشروع التخرج ربما يكون عاملاً مساعداً في الحصول على فرصة عمل ؟
يعني مو بالضرورة بس ممكن يكون الو دور حسب اختصاص الطالب لانو في بعض المشاريع بتكون دراسة نظرية و لهيك ما رح يكون الها اي دور بالجانب العملي و متطلبات العمل والتوظيف .

أم أن العلاقات الاجتماعية أو «الواسطة» تلعب دوراً الأكبر في الحصول على فرصة العمل أو الوظيفة ؟
شي أكيييد فيتامين واو مافي انفع منو آني تايم آني ويير


* مادورأصــحـاب رؤوس الأمــوال في بـلدنا لتـبـني الشباب الخريجين من الجامعات ؟
ما كتير اهتميت بفكرة التوظيف بعد التخرج لهيك ما بعرف ازا الن دور أو لأ ..بس بتصور الن دور و هو الصفر !

* هل برأيك سوق العمل في سورية تحكمها «العلاقات»أم الشهادة ..؟

بالوقت الراهن العلاقات اكتر من الشهادة بس كون البلد متوجه لحركة التحرر الاقتصادي و تنظيم السوق و العمل بنظام الشركات والمؤسسات بتصور رح يغلب دور الشهادات بس بالطبع رح تبقى للعلاقات دورها يعني الشهادة ببلدنا ما بتكفي حتى لو بدك تتوظف بشركة اجنبية لانو المسؤولين عنها رح يكون فاهمين طبيعة العمل بسوريا يعني ولاد البلد


مشكورة عالطرح ..